Në lidhje direkte me A-Show me gazetarin Adi Krasta, Arjet Gega, mjek i sëmundjeve infektive në Saint Mary’s Hospital në Connecticut, ka dhënë informacione edhe në lidhje me përdorimin e vaksinave në SHBA.
“Pacienti më i thjeshtë që ka kërkuar ndihmë nga sistemi shëndetësor në Shqipëri është dënuar të marrë 4-5 medikamente.
Për pacientët ambulatorë dhe me simptoma të lehta nuk ka vend për antibiotikë, apo për infermierë. Në rastin e vaksinës Astra Zeneca duhet të balancohet rreziku i Covid-19 dhe pjesës tromboembolike.
Vaksinat mund të kenë efekte të dyta, por janë të rralla. Këto efekte duhet të shikohen pasi dalin në treg. Në SHBA kemi tre vaksinat, Pfizer, Moderna, Johnson Johnson dhe e kanë mbrojtjen ndaj Covid-19 pothuajse 100%”, tha ai.
