Shqetësimi më i madh për shumë vende që po vaksinojnë popullatat e tyre kundër Covid-19 është frika e shfaqjes së varianteve të reja, rezistente ndaj vaksinave të koronavirusit, ndërsa virusi vazhdon përhapet.
Kjo frikë u kristalizua këtë muaj pas një studimi në të cilën AstraZeneca ishte vetëm 22 përqind efektive në parandalimin e simptomave të lehta dhe mesatare të shkaktuara nga varianti i Afrikës së Jugut.
AstraZeneca ka deklaruar se një version i azhurnuar i vaksinës së saj do të jetë gati në vjeshtë.Por skenari më i keq i një varianti më rezistent ndaj vaksinave mbetet në mendjet e politikëbërësve.
Ndërgjegjësimi për mënyrën e trajtimit të personave më të sëmurë ka përparuar gjithashtu që nga fillimi i pandemisë. Zgjidhja e të gjithë qeverive është vendosja e kufizimeve të reja.
Këto variojnë nga kërkimi i një testi negativ PCR, deri në detyrimin e udhëtarëve të karantinohen në hotele me shpenzimet e tyre, siç ka vepruar Britania për personat që vijnë nga vendet që vlerësohen me rrezik të lartë.
Disa vende madje kanë kufizuar edhe lëvizjen e lirë edhe brenda kufijve të tyre. Të marra së bashku, kufizimet kufitare të vendosura në të gjithë botën janë kufizimet më të rënda në udhëtimet ndërkombëtare në historinë moderne të paqes.
Për njerëzit që ëndërrojnë pushime jashtë vendit, si dhe ata me familje që jetojnë në vende të ndryshme dhe ata që udhëtonin më parë për punë, është shumë shqetësues fakti se sa do të zgjasin këto kufizime.
Megjithëse ekziston një konsensus se kufizime të tilla nuk mund të qëndrojnë në vend për një kohë të pacaktuar, jo më pak për shkak të efekteve të tyre negative në ekonomitë kombëtare.
Renditja më e mirë gjenomike e testeve pozitive të marra në të gjithë botën do të ndihmojë, duke i lejuar shkencëtarët të përcaktojnë më shpejt se ku dhe si po përhapen variantet shqetësuese.
Por, në tërësi, nuk ka asnjë plan daljeje nga pandemia.
Ajo që ekziston tani, megjithatë, është një ide se si mund të duket e ardhmja e udhëtimit në një botë ku vetëm disa vende kanë arritur vaksinimin e plotë kundër Covid-19.
Të ashtuquajturat “certifikata vaksinimi”, dokumentet që vërtetojnë se personi është vaksinuar kundër Covid-19, ka të ngjarë të jetë pozitive duke i lejuar personit në fjalë të udhëtojë lirshëm.
Flluskat e udhëtimit midis vendeve me shkallë të ulët të infeksionit ose vaksinimin më të lartë janë gjithashtu disa mundësi. Këtë muaj, Izraeli, Greqia dhe Qiproja ranë dakord të lejojnë njerëzit me certifikata vaksinimi të udhëtojnë lirshëm midis tre vendeve.
Australia dhe Zelanda e Re, të cilat kanë eliminuar praktikisht transmetimin e brendshëm të Covid-19, kanë lejuar udhëtimet pa pasur nevojë për karantinë midis të dy kombeve.
Qasja e përbashkët e BE-së ndaj vaksinimit mund të nënkuptojë që lëvizshmëria midis vendeve europiane do të jetë më pak e kufizuar se udhëtimet ndërkombëtare në shumicën e vendeve të tjera të botës.
BE-ja është një nga zonat e pakta të globit, ku përhapja e vaksinave është në të njëjtin nivel ndërkombëtar, që do të thotë se vendet europiane ka të ngjarë të vaksinojnë popullsinë në periudha të njëjta.
Në një komunikim të botuar në janar, Komisioni Europian paralajmëroi se “mbyllja e kufijve ose ndalimet e udhëtimit … nuk janë të justifikuara”.
Ndërsa efektet e vaksinës të fillojnë të japin efektin, europianët duhet të kuptojnë që liria e tyre e lëvizjes në Kontinent, të paktën brenda BE-së, është më e madhe se ajo e qytetarëve të vendeve të tjera.
Ndoshta më shqetësues është fakti që mund të ketë pabarazi midis vendeve, pasi vendet e varfra të dëshpëruara që turizmi të fillojë, kanë nisur lehtësimin e masave për vendet e pasura.
Të njëjtat vende të pasura, të shqetësuar për variantet e koronavirusit, do t’u duhet më shumë kohë për të hapur kufijtë për vendet e varfra.
Në fund të fundit, kufizimet e udhëtimit ka të ngjarë të qëndrojnë në fuqi për vitet që do të vijnë, derisa Covid-19 të bëhet një sëmundje endemike dhe një rrezik i menaxhueshëm, në të njëjtin nivel, mbase, me gripin sezonal.
Ditët kur do të mund të lëvizim lirshëm përtej kufijve janë shumë larg dhe shumica prej nesh përsëri do të duhet të lëvizë sërish me kufizime.
