Kosova do të ketë përballë Zlatan Ibrahimovic kur të ndeshet ndaj Suedisë, më 28 mars, në kuadër të kualifikueseve të Botërorit.
“La Gazzetta dello Sport” shkruan se sulmuesi i Milanit është përfshirë në listën paraprake të trajnerit Jan Andersson për sfidat e fundit të muajit.
Hera e fundit kur suedezi veshi fanellën e përfaqësueses nordike ishte më 22 qershor 2016, gjatë Europianit “Francë 2016”.
Ibrahimovic synon të marrë pjesë për herë të pestë në karrierë në finalet e Europianit, me Suedinë që është në të njëjtin grup me Spanjën, Poloninë dhe Sllovakinë.
