Një i moshuar ka humbur jetën në Durrës këtë të Martë.
Policia njoftoi se “në orën 11:50, në lagjen nr. 16, nga punonjësit e urgjencës së Spitalit Rajonal Durrës është marrë në rrugë, pa ndjenja, shtetasi S. P., rreth 68 vjeç, i cili gjatë transportimit për në spital ka ndërruar jetë”.
Nga hetimet paraprake dyshohet se ky shtetas ka ndërruar jetë si pasojë e një arresti kardiak ndërkohë grupi hetimor po punon për zbardhjen e rrethanave të ngjarjes, shtuan të njëjtat burime.
Në media ndërkohë është raportuar për vonesë të ambulancës lidhur me këtë rast.
Janë publikuar pamje ku shihet qytetari i shtrirë në rrugë, ndërsa ambulanca në një pikë karburanti. “Ai tu vdek, ambulanca tu marr karburant”, dëgjohet një qytetare në videon e publikuar në media.
