Dafina Zeqiri ka lancuar këngën e saj më të re të titulluar “Duro”, në të cilën ajo flet për vështirësitë dhe problemet që dikush mund të kalojë me shëndetin mendor. Përmes tekstit Dafina inkurajoi fansat që të bëhen më të fortë.
Prej kohësh Dafina ka nisur një fushatë ndërgjegjësimi për shëndetin mendor në rrjete sociale. Ajo ia ka dedikuar Instagramin postimeve në lidhje me shëndetin mendor, për të informuar sa më shumë ndjekësit e saj.
Kujtojmë se pak ditë më parë, këngëtarja ka realizuar një lidhje live në Instagram me një psikologe shqiptare, që e ushtron profesionin e saj në Suedi. Këngëtarja e shfrytëzoi këtë lidhje që fansat e saj të kishin mundësinë që të mësonin sa më shumë në lidhje me shëndetin mendor dhe të kuptonin nëse kanë ndonjë problem.
