Partizani ia doli të triumfojë 1-2 në derbi ndaj Tiranës. Në Rubrika Sportive mbrëmjen e djeshme ishte i ftuar Shkqlqim Muça, i cili jep mendimin e tij për atë që atë 90 minutësh. Ai deklaroi se të kuqtë e kishin përgatitur më mirë ndeshjen, e në këtë mënyrë u shpërblyen. Sa i përket bardhebluve, ka rezerva.
“Prisja një ndeshje më të luftuar, Partizani e kishte përgatitur më mirë ndeshjen dhe Daja I kishte marrë masat. Këtë herë një nga mbrojtësit futej në sulm, ndërsa Idrizaj qëndronte pas. Murataj ndihmonte më shumë ekipin në sulm dhe kishte më shumë ekuilibër. Çinari e kemi parë që lëvizë shumë dhe ekipi ishte më i mbledhur. Padyshim që Partizani e meritoi dhe nuk e rrezikoi, por i eci edhe me golat.
Tirana nuk e kishte ndërtuar siç duhet e duhet t’i ishte përshtatur Partizanit. Nuk duhet të luante me 5 mbrojtës, por me 4. Ashtu siç luajti Tirana kishte 5 mbrojtësi që mbanin 3 mbrojtësit e Partizanit dhe jepte idenë që loja do të luhej në krah. Kur ke aftësitë në skuadër, ti duhet t’i shfrytëzosh lojtarët. Sulmuesi Varinen që u hyri duket se nuk është futur ende në lojën e Tiranës dhe bardheblutë mund ta kishin ndërtuar më mirë ndeshjen. Për të dyja ekipet ishte e rëndësishme, por për Partizani akoma më shumë pasi e futi në lojë për titull direkt” – tha ai.
