Sulmuesi Milanit, Ante Rebiç, hyri si zëvendësues në ndeshjen ndaj Napolit dhe në fundin e lojës u ndëshkua me karton të kuq pasi ofendoi arbitrin kryesorë.
Nga një faull i shkaktuar, ku fare mirë mund të shmangej, kroati pas vërshëllimës së arbitrit, i është drejtuar këtij të fundit me fjalë fyese, teksa nuk kanë munguar sharjet nga familja për kryesorin e ndeshjes i cili nxori menjëherë kartonin e kuq.
Por mesa duket nuk do të mbarojnë këtu telashet për Rebiç, pasi rrezikon të skualifikohet me dy ndeshje ose dhe më shume, vendim ky i cili është në dorë të gjyqtarit anësor, i cili duhet të tregojë se çfarë ka dëgjuar ai në momentin e tensionit ndërmjet Rebiç dhe arbitrit Paskua.
