Prej më shumë se tre orësh vijon të jetë e bllokuar aksi rrugor Dukat- Qafa e Llogorasë.
Automjete të shumta kanë ngelur të bllokuara në rrugë . Prej më shumë se katër kilometra ky aks rrugor është i pakalueshëm nga prania e dëborës në rrugë si dhe pas Ditës së Verës, moti i përkeqësuar i ka gjetur të pa përgatitur drejtuesit e automjeteve në marrjen e zinxhirëve.
Ndërkohë borëpastruesit nuk mund të ndërhyjnë dot pasi rruga është e bllokuar.
“Reshje bore në Llogara, temperatura +2°C. Kompania e mirëmbajtjes është në terren me mjetet borëpastruese. Drjetuesit e mjeteve të tregohen të kujdesshëm, të respektojnë sinjalistikën dhe të reduktojnë shpejtësinë”, thuhet në faqen zyrtare të ARRSH-së
