Një ngjarje turpshme me protagonistë shqiptarë, është regjistruar në Itali, ku një shqiptar dyshohet se ka tentuar të godasë gruan e tij me thikë.
Në pranga ka përfunduar një 36-vjeçar shqiptar.
Mediat vendase raportojnë se shqiptari është arrestuar në Rimini të shtunën në mbrëmje pasi u përpoq të godiste me thikë gruan e tij 30-vjeçare para policisë që ishte thirrur pas një sherri në familje.
Gruaja telefonoi policinë nga frika se mos e lëndonte atë dhe fëmijët e tyre të moshës katër dhe shtatë vjeç.
I arrestuari kohët e fundit dyshohet se u përpoq ta mbyste atë para fëmijëve dhe gjithashtu kërcënoi se do t’i priste fytin me një makinë pastruese mishi.
Gruaja që ka denoncuar dhunën ka deklaruar se shqiptari ishte i dhunshëm edhe me fëmijët.
Ndërkohë pretendimet e gruas janë përkrahur edhe nga fqinjët të cilët kanë pohuar se i arrestuari ushtronte dhunë.
Gruaja, gjithashtu me origjinë shqiptare, tha se ajo nuk kishte thirrur polici më parë nga frika se ai mund të bëhej edhe më i dhunshëm.
Ndërsa policia po e shoqëronte, shqiptari u kthye dhe u përpoq ta godiste në stomak gruan me thikë ndërsa bërtiste në shqip: “Unë do të të djeg të gjallë”.
