Reperi Stresi vijon të jetë në arrati pasi është shpallur në kërkim sepse mori pjesë në protestat për vrasjen e Klodian Rashës nga efektivi i policisë. Aktualisht, po qëndron në Britani dhe nuk heziton që të vazhdojë punën me projekte të reja muzikore.
Kënga më e fundit që solli ishte dueti me Getinjon, “S’jom dorzu”, publikuar një muaj më parë. Por udhëtimi i tij drejt Anglisë do të sjellë një tjetër bashkëpunim.
Stresi do të bashkëpunojë me reperin e njohur anglez, C Biz, dhe lajmin e ka bërë me dije vetë ai në Instagram duke shkruajtur: “Jam i nderuar që u njoha me ju @cbiz_er. Hiroshima po vjen #StayTuned”.
