Cristiano Ronaldo shënoi një 3-golësh në pjesën e parë të ndeshjes ndërmjet Juventusit dhe Cagliarit.
Superylli portugez ka marrë kritika të shumta pas eliminimit të Zonjës së Vjetër nga Liga e Kampionëve që në 1/8 nga Porto.
Dhe ai ka reaguar ndaj kritikëve me tre gola të shënuar në pjesën e parë: një me kokë, një nga penalltia dhe një gol të bukur me këmbën e majtë.
Ajo që ka nxitur reagime në rrjete sociale, ishte mënyra e festimit të CR7, i cili u drejtua nga kamerat dhe e drejtoi gishtin pranë veshit të tij.
Ndërkohë, është raportuar se agjenti i 36-vjeçarit ka diskutuar me Florentino Perez për mundësinë e kthimit të Ronaldos te Real Madrid.
Sipas mediave italiane, Juventusi është i gatshëm ta lejojë largimin e tij për 29 milionë, megjithatë drejtori Fabio Paratici ka thënë se Cristiano “përfaqëson të ardhmen e Juventusit”.
