Mësuesja 37 vjeçare, në gjendje të rëndë pas vaksinës Astrazeneca, sekuestrohen të dhënat mjekësore.
Prokuroria e Gela-s në Itali ka sekuestruar të dhënat mjekësore dhe dokumentacionin në lidhje me vaksinën që mori një 37-vjeçare nga Gela e shtruar në gjendje shumë të rëndë në spitalin Sant’Elia. Mësuesja ka bërë vaksinën Astrazeneca në 1 Mars.
Simptomat i nisën pak ditë pasi mori dozën e parë të vaksinës Astrazeneca. Ajo kishte dhimbje shumë të forta koke dhe pësoi një gjendje konfuzioni.
Gruaja e re pësoi hemorragji cerebrale. Ajo iu nënshtrua një operacioni delikat në neokirurgji, pasi u transportua me helikopter në spitalin Sant’Elia në Caltanissetta.
Mediat italiane raportua se 37 vjeçarja kishte marrë dozë të vaksinës Astrazeneca që nuk i përkiste sasisë që u bllokua nën dyshimet për shkaktim tromboze.
Vaksina AstraZeneca, ashtu si dhe të gjitha vaksinat e tjera për Covid-19, kanë marrë miratim në BE dhe SHBA, vetëm për përdorim emergjent. Ky lloj miratimi nënkupton që as kompanitë prodhuese dhe as shtetet përkatëse nuk mbajnë përgjegjësi për efekte të mundshme negative të tyre.
