Anëtari i Komitetit Ekzekutiv i FSHF-së, Vasil Bici është i ftuar në studion e emisionit “Ora Sport” në RTV Ora ku fillimisht u ndal në derbin e kryeqytetit, Partizani-Tirana, e mbyllur me fitoren 2-1 të “Të kuqve”.
Sipas ish futbollistit të njohur, derbi është bërë i mërzitshëm pasi po fiton vetëm Partizani.
Vasil Bici: Më vjen keq që këto vitet e fundit po zbehet se po fiton Partizani vazhdimisht. 5 vjet rresht. Vetëm një ndeshje fitoi Tirana. Nuk flitet më për derbi. E ka humbur etiketën e derbit. Është një ndeshje që Partizani po i fiton radhazi.
