Në Mbretërinë e Bashkuar, një këshilltare e qytetit të Oksfordit është pezulluar nga puna pasi postoi në mediat sociale një status ku tregonte se ishte vaksinuar kundër Covid nga një mjek privat.
Ndërkohë, raportet e mediave sugjerojnë se dy princeshat spanjolle , të cilat ende nuk ishin pjesë e listës së prioriteteve të vaksinimit në Spanjë u vaksinuan ndërsa vizituan babanë e tyre në Emiratet e Bashkuara Arabe.
Ata janë midis një numri personalitetesh të pasur që janë vaksinuar në Dubai. Ka pasur gjithashtu raporte të njerëzve që janë vaksinuar në Mbretërinë e Bashkuar, pavarësisht se nuk ishin pjesë e grupeve të rrezikuara.
Pra, sa duhet të shqetësohemi për raste të tilla?
Një çështje ka të bëjë me ligjshmërinë e sigurimit të një vaksine jashtë skemës kombëtare të alokimit.
Në Britani, vaksinat COVID nuk janë të autorizuara jashtë NHS. Agjencia Rregullative e Barnave dhe Produkteve Shëndetësore po kryen një hetim për rastin e Oksfordit.
Kontrollet e rrepta mbi shpërndarjen e një vaksine justifikohen me faktin se kërkohet siguria dhe efikasiteti i vaksinave. Rregulloret janë pjesërisht për të mbrojtur pacientët, por edhe për të mbrojtur popullin në përgjithësi.
Nëse dikush merr një vaksinë joefektive, ai mund të vazhdojë të përhapë padashur virusin. Dikush që merr një vaksinë të pasigurt mund të përjetojë efekte anësore që jo vetëm që e dëmtojnë atë, por edhe dëmtojnë besimin tek vaksinat në komunitetin e gjerë.
Vaksinat e aprovuara janë ende një burim i pakët.
Jo të gjithë që dëshirojnë të vaksinohen janë të gjendje të marrin një vaksinë. Kështu që duhet të ketë një vendim etik se kush duhet të vaksinohet i pari.
Kjo është arsyeja pse ka një radhë.
Në disa raste, zësh radhën e dikujt është e gabuar. Skemat e alokimit të vaksinave duhet t’i japin përparësi personave që rrezikojnë më shumë të preken nga COVID.
Nëse dikush kalon radhën, një person tjetër që është më i rrezikuar mund të sëmuret duke pritur të vaksinohet. Në rastin e këshilltarit të Oksfordit ose princeshave spanjolle, ato nuk zunë vendin e dikujt në skemat e alokimit në Mbretërinë e Bashkuar ose Spanjë. Vaksinat e tyre vinin nga vend i veçantë.
Të futesh pa radhë nuk është domosdoshmërish e gabuar nëse dikujt tjetër nuk i shkakton probleme. Në të vërtetë, në disa raste, të futesh pa radhë është moralisht gjëja e duhur për të bërë. Disa njerëz janë vaksinuar më herët duke përdorur doza që në raste të tjera nuk do të përdoreshin.
Do të ishte moralisht e gabuar të harxhonit vaksinat antiCOVID duke pasur parasysh mungesën globale. Pra, nëse ju ofrohet një vaksinë përmes skemës kombëtare, është më mirë ta merrni, pavarësisht nëse përfshiheni në grupin e personave me përparësi.
Disa mendojnë se mund të jetë e padrejtë që dikush të marrë vaksinën më herët sesa supozohet, edhe nëse nuk ndikon në mundësinë e askujt tjetër. Për shembull, të lejosh njerëzit të paguajnë për vaksinimin jashtë sistemit publik do të paraqiste forma të reja të pabarazisë.
Megjithatë, fakti se pabarazia duhet të shmanget është e padiskutueshme. Shoqëria jonë është e pabarabartë në shumë mënyra – ekzistenca e kujdesit shëndetësor privat është një shembull.
Të gjithë duhet të jenë të barabartë duke hequr çdo mundësi që dikush të shkojë në spitale private për tu vaksinuar. Një arsye tjetër shqetësuese në lidhje me personalitetet publike që futen pa radhë është se kjo mund të minojë besimin te populli.
Solidariteti shoqëror është një komponent kyç i një përgjigje të suksesshme ndaj pandemisë dhe mund të kërcënohet nëse personalitetet publike anashkalojnë rregullat që gjithë të tjerët po respektojnë.
Tani për tani, është me rëndësi jetike që vaksinat të shpërndahen në një mënyrë të rregullt dhe të gjithë të jenë të informuar.
