Nuk do të kemi rezultate shumë të mira nga pandemia Covid-19. Përveçse miliona njerëz janë sëmurë dhe qindra kanë vdekur, e gjithë popullsia është futur në një krizë të shëndetit mendor që mund të duhen vite ta kapërcejmë.
Rritja e vetëdijes për shëndetin mendor që është zhvilluar gjatë pandemisë, gjithashtu mund të çojë në një të ardhme më pozitive kur bëhet fjalë për terapinë dhe mënyrën sesi e shohim luftën emocionale.
Më poshtë do ju tregojë vetëm disa nga format sesi pandemia e koronavirusit do të transformojë mënyrën e trajtimit të shëndetit mendor në të ardhëm.
Bisedat rreth shëndetit mendor po bëhen normale
Kemi bërë një rrugë të gjatë viteve të fundit në drejtim të zvogëlimit të stigmës rreth shëndetit mendor. Sidoqoftë, ende nuk jemi askund afër asaj që duhet të jemi. Pandemia ka ndikuar në mënyrë drastike në mirëqenien tonë emocionale, në forma të shumta. Shumë njerëz kanë kuptuar se shëndeti mendor mund t’i prekë të gjithë.
Pandemia na ka bërë që të gjithë të kemi një farë frike dhe shqetësimi. Mund të mos kemi probleme me shëndetin mendor, por kjo e ka bërë më të lehtë që njerëzit të flasin për akthin dhe depresionin, duke e bërë shëndetin mendor një bisedë normale.
Shumë e më shumë njerëz po ndihen rehat kur marrin ndihmë
Alfiee Breland-Noble, një psikologe me qendër në Washington, dhe themeluese e organizatës jofitimprurëse të shëndetit mendor AAKOMA, tha se ajo beson se do të shohim një “rritje të konsiderueshme në përdorimin” e shërbimeve të shëndetit mendor pas pandemisë.
“Edhe pas kësaj, do të ketë kaq shumë njerëz që janë të kënaqur duke kërkuar kujdes”, tha ajo, duke shtuar se çdo ditë dëgjon njerëz të thonë se terapia është shumë e mirë për problemet e shëndetit mendor.
Teleterapia është bërë shumë e domosdoshme
Shumica e terapistëve u është dashur të lëvizin praktikat e tyre në internet kur bota u mbyll, dhe kjo mund të mos ndryshojë edhe për disa kohë. Ekspertët besojnë se shërbimet virtuale do të bëhen edhe më të zakonshme.
Pandemia ka rritur qasjen në terapi
Pandemia ka çmontuar dhe ndryshuar jetën tonë në mënyra të paimagjinueshme, të gjitha këto mund të kontribuojnë në problemet e shëndetit mendor. Prandaj është e rëndësishme që të ketë përmirësime në kujdesin shëndetësor mendor.
