Toni Gogu, i cili renditet i 11 në listën e kandidatëve të PS për Qarkun e Tiranës, tha se ka votuar për shembjen e Teatrut Kombëtar i bindur se godina duhej shembur.
Gogu u mundua të justifikojë vendimin me disa shkresa të 60 apo 70 viteve më parë, ku sipas thuhej, se godina kishte përfunduar misionin.
“Kam votuar për shembjen e Teatrit, i bindur por jo pa u menduar”, tha Gogu. Në emisionin “Zonë e Lirë”, Gogu tha se nuk është penduar që la detyrën e Prefektit të Tiranës për t´u përfshirë në listat e kandidatëve për deputet.
Gogu ka drejtuar Këshillin Bashkiak të Tiranës, i cili me një vendim të miratuar i hapi rrugën shembjes së Teatrit Kombëtar, në 17 maj 2020. Megjithëse për disa vite Gogu ka luajtur rolin e një pastori, që normalisht duhet të predikojë paqe, ai do të mbahet mend si drejtuesi i një Këshilli Bashkiak, që vendosi shembjen e një prej godinave historike, duke shkelur edhe mbi vullnetin e artistëve dhe aktorëve.
Duket se ky ka qenë vendimi që i hapi rrugën Gogut për t´u emëruar më pas Prefekt i Tiranës dhe sot të pretendojë të jetë një nga deputetët socialistë në Parlamentin e dalë nga zgjedhjet e 25 prillit.
