Drejtuesi Politik i PS për Qarkun e Elbasanit, Taulant Balla prezantoi sot në Gramsh kandidatin e PS për zgjedhjet e 25 Prillit, Besian Ajazi.
Balla u shpreh se Besian Ajazi i kujton veten kur u propozua për deputet në PS: “Besi t’ju them të drejtën më kujton veten time vite më parë ku teksa isha pjesë e kabinetit të Fatos Nanos, u propozova nga Partia Socialiste të isha deputet në qytetin dhe Bashkinë ku kam lindur, në Librazhd”.
“Jam shumë i sigurt që Besi do të arrijë të bëjë për Gramshin, atë që unë mendoj që kam arritur të bëj për Librazhdin”, shtoi ai.
“Eksperienca me mua e bën Besin tepër të përgatitur për të marrë përsipër përgjegjësinë e madhe të përfaqësosh këtë krahinë kaq të madhe”, vijoi kreu i grupit parlamentar të PS.
