Dy adoleshentë kanë mbetur të plagosur me thikë në vazhdën e një sherri të ndodhur këtë të Premte në Krujë. Ata janë dërguar në spital dhe ndodhen jashtë rrezikut për jetën. Autori, ndërkohë, është vënë në pranga.
Policia njoftoi se “në orën 13:00, në Krujë, pas një konflikti të çastit janë plagosur me mjet prerës (thikë), shtetasit E.Sh., 14 vjeç dhe F. M., 15 vjeç, banues në Krujë, të cilët ndodhen nën kujdesin e mjekëve, jashtë rrezikut për jetën”.
Shërbimet e Policisë kanë bërë identifikimin dhe kapjen e autorit të dyshuar, shtetasi K.G., 14 vjeç, i cili është shoqëruar në ambientet e Policisë, për veprime të mëtejshme.
Grupi hetimor vijon punën për zbardhjen e rrethanave të ngjarjes, shtuan të njëjtat burime.
