Në intervistën “bombë” me Oprah Winfrey, Meghan Markle përmendi edhe dukeshën Kate Middleton duke kujtuar një rast kur ajo e bëri të qajë përpara dasmës.
“Disa ditë para dasmës ajo ishte mërzitur me fustanet e vajzave që do mbanin lulet dhe më bëri të qaj. Më lëndoi ndjenjat. Më e vështirë ishte që u fajësova për diçka që nuk e kisha bërë. Të gjithë e dinin që nuk ishte e vërtetë. Nuk po e them këtë për ta nënçmuar. Por mendoj se është e rëndësishme që njerëzit ta dinë të vërtetën”-tha Meghan.
Burime pranë Kate tregojnë se ajo mendon që e gjitha ka qenë një keqkuptim.
“Kate është në një situatë të vështirë”-tha burimi duke shtuar se dukeshat po zgjidhnin fustanet e vajzave që do mbanin lulet dhe nuk duhej të kthehej në një zënkë.
Sipas burimit Dukesha e Kembrixhit është e shokuar që Meghan e riktheu sërish në vëmendje këtë incident.
“Dukeshës nuk i pëlqeu që Meghan e përmendi me emër ndërkohë që anëtarët e tjerë të familjes jo. Kate nuk i pëlqeu akuzat që ajo dhe anëtarët e tjerë të familjes mbretërore qenkan xheloze për Meghan, s’ka ndodhur kurrë”-tha burimi.
