Atdheu zbuloi pak ditë më parë në “Për’puthen” se kishte shkëmbyer një puthje në buzë me Antonelën. Kjo e fundit e pranoi, por tha se Atdheu e kishte puthur pa dëshirën e saj. Ndërkohë pas kësaj ngjarje, pati një reagim nga Loco, i cili thumboi publikisht Antonelën.
Antonela tregoi se ishte prekur shumë nga kjo foto dhe kuptimin që mbart litari. Arjan Konomi shpërtheu menjëherë kundër Elvisit dhe me tone të larta ai i kërkoi Locos të largohet nga programi, sepse postimi i tij është shumë fyes.
“Ti Loco me këtë që ke bërë, të fal dhe të tolerova ofendimit që më bërë, po këtë gjë unë kërkoj të përjashtosh nga emisioni. Plehra si puna jote duhet të përjashtohen. Qërohu nga ky program ose nuk e di ç’do bëj. Je në një emision dhe keni kurajon të tregoni litarin, po në realitet çdo bëni ju. Ke qenë një njeri ulët ndërkohë të kam vlerësuar. Çfarë të bëri ty ajo? Tani bën si i dashuruar me Sindin, kur ti ke qenë i pari që e ke ofenduar Sindin”, u shpreh Arjani i revoltuar.
Më pas Antonela shpërtheu në të qara teksa Loco u përpoq të shpjegonte kuptimin e postimit, teksa Atdheu u largua nga studioja.
Debati nuk është lënë me kaq. Në rrjete sociale, Arjani kishte ende fjalë për t’i thënë Elvisit, të cilat i ka shkruar në story.
“Një njeri që bën policin, hetuesin, prokurorin, bën gjyqin, merr vendimin, cakton dënimin dhe formën e ekzekutimit! Sa i zgjuar paska qenë ky njeri!”-shkruan ai me ironi.
“Një litar për varje si dënim për një puthje! As në mesjetë inkuizicioni nuk e bënte. E bënte vetëm një Criminal Mind. (I bindur plotësisht)”– janë fjalët e Arjan Konomit.
