Roma ka bërë të ditur se një fëmijë i humbur është gjetur falë fushatës sensibilizuese Missing People.
Fytyra e fëmijës ka qenë e pranishme në videon e prezantimit të Stephan El Shaarawy.
Falë shikueshmërisë dhe nismës së ndërmarrë nga klubi verdhekuq në bashkëpunim me shoqatën bamirëse greke The Smile of the Child, në orët e fundit është gjetur një fëmijë tjetër.
Po, një tjetër. Sepse në vitet e fundit kanë qenë 4 fëmijët e gjetur falë këtij bashkëpunimi.
Siç ka shpjeguar në faqen zyrtare Roma, videoja, që përfshinte fëmijë të humbur nga e gjithë bota, është parë 350.000 herë mes Twitter, Facebook dhe Instagram, gjë që ka ndihmuar në gjetjen e disa prej tyre.
