Vllaznia do të luajë të premten kundër Bylisit, në kuadër të javës së 24-të të Superiores. Për skuadrën shkodrane pritet të rikthehet Aleksandër Isaevski. Mbrojtësi i majtë i kuqebluve mungon prej disa javësh për shkak të një dëmtimi. Por, së fundmi ka lajme të mira nga infermieria shkodrane.
Mëngjërashi është rikuperuar thuajse plotësisht dhe pritet të jetë gati që prej sfidës të së premtes kundër Bylisit. Gjendja e tij fizike është e mirë, megjithatë stafi teknik nuk ka rrezikuar në mënyrë që rikuperimi i tij të jetë 100 përqind.
Kësisoj, për trajnerin Thomas Brdariç rikthehet një lojtar me shumë vlera siç është Aleksandër Isaevski që këtë sezon të Superiores ka treguar se është më i miri në linjën e majtë të mbrojtjes.
