Të shtunën, Tirana do të luajë kundër Partizanit në kuadër të javës së 24-të të Superiores. Kjo sfidë do të jetë e dyta për Valentino Muratajn, i cili pritet të jetë sërish titullar në “Selman Stërmasi”.
Mesfushori i kuq ka mbërritur tek 16 herë kampionët e vendit në muajin janar duke fituar menjëherë vendin e titullarit. Ai ka postuar një video të ultrasve Guerrils të cilët janë në sezonin e shkuar duke mbështetur ekipin e tyre në stadiumin “Air Albania”. – shkruan Newsport.al.
Siç duket, Murataj është emocionuar nga koret e tyre dhe pikërisht ndjesinë e veçantë ka zgjedhur ta ndajë me ndjekësit në rrjetet sociale. Kujtojmë që ndeshja Tirana – Partizani do të luhet të shtunën në orën 13:00, në stadiumin “Selman Stërmasi”, në kryeqytet. /Newsport.al
