Sërish replika në distancë mes kryeministrit Edi Rama dhe kreut të PAA-së, Agron Duka.
Këtë të Martë, në një deklaratë për mediat, Rama sulmoi kryetarin e Partisë Agrare Ambientaliste. “Duka se ka nxjerrë ndonjëherë partinë nga garazhi dhe do të jetë akoma, do e gëlltisë komuniteti i demokratëve në Durrës. Do e hanë këto tani, se do të jetë deputet patjetër Agron Duka, për çfarë arsye? Sepse do të bëhet ministër Bujqësie prapë. Sepse ka më shumë vezë se të tjerët, apo më shumë pula? Kjo është oferta që i jepet Durrësit”, tha Rama.
Në replikë, Duka shprehet se Rama nuk është kryeministër, por CEO i katër-pesë oligarkëve.
“Ca t’i thuash këtij?! Ka 8 vite në qeveri dhe merret me llafe, nuk mban përgjegjësi për asgjë. Besoj se do ishte e lehtë të merresha me të, e njohë mirë, pika të forta dhe të dobëta, por ai këtë do. Ndërkohë shqiptarët kanë halle dhe probleme që ky vetëm i shtoi. Tani, të merresh me Ramën është humbje kohe. Mjafton t’i hidhni një sy këtij raporti. Kjo është arritja e Ramës në dy mandate, një herë është Asadi përpara tij, një herë është ai përpara Asadit, kur vjen fjala për azilkërkuesit. Të tjerat janë llafe, batuta të lodhura të atij që sot nuk është kryeministër, por C.E.O. i katër-pesë oligarkëve”, shkruan në një postim në FB, Agron Duka.
