Kreu i PD, Lulzim Basha, në një konferencë me gazetarët pas shpalljes së listave të kandidatëve për zgjedhjet e 25 prillit, u shpreh se Shqipëria po shkon drejt ndryshimit.
I pyetur nga gazetarët se sa mandate synon PD në këto zgjedhje, Basha tha se ndryshimi do të jetë shumë i madh, do të jetë një fitore plebishitare.
‘Pa pikë diskutimi që ndryshimi do të vijë përmes pjesmarrjes së shqiptarëve me votë. Shqiptarët sot thonë:Rama ik. Ndryshimi do të jetë i thellë. 8 vjet mashtrime, vendi mbeti i fundit në Ballkan për çdo fushë që ka të bëjë me njerëzit. 25 prilli do të jetë ditë ndryshimi plebishitare që shkon përtej edhe sonazheve më optimiste sepse shqiptarët do të votojnë për ndryshimin. Rama bëri mijëra lojëra për të provokuar edhe bojkotin e zgjedhjeve nga opozita. Rama rislolli prapë në lista njerëzit e listave të zeza të DASH. Rama ka më shumë pushtete se çdo njeri pas Enver Hoxhs dhe ja ku ëhstë sot vendi’, tha Basha.
