Kandidati për deputetet i LSI-së, Sokol Skura është liruara këtë të Martë nga gjykata e Elbsanit, pasi u kap i dehur në timon. Skura, i pesti në renditjen e kandidatëve për deputetë të LSI në qarkun Elbsan, ka pasur edhe më herët probleme me drejtësinë.
Në 2015-ën, është arrestuar për një aksident me vdekje.
Ndërsa më herët, në vitin 2005, kur ishte edhe pjesë e PS, është akuzuar për korrupsion në skandalin e grabitjes së rreth 500 milionë lekëve nga Fondi i Rimbursimit të Barnave.
I dehur në timon
Kandidati për deputet i LSI për Elbasanin u arrestua pak orë para se kryetarja e kësaj force politike Monika Kryemadhi, të publikonte listën e kandidatëve.
Skura akuzohet për drejtim mjeti në gjendje të dehur ndërsa u vu në pranga nga policia në aksin rrugor Elbasan-Librazhd gjatë natës së të Dielës.
Pas një dite në paraburgim, këtë të Martë, gjykata e rrethit e liroi nga qelia, duke vendosur masën e sigurisë “detyrim paraqitje” edhe pse nuk është hera e parë që kandidati për deputet kapet nga uniformat blu duke drejtuar automjetin në gjendje të dehur.
Aksidenti me vdekje
I pesti në listën 15 emërore të LSI, Sokol Skura është arrestuar edhe në vitin 2015 pasi në gjendje të dehur përplasi për vdekje një kalimtar.
Ngjarja ndodhi në fshatin Mengël të Elbasanit, kur Skura, nën drejtimin e një automjeti, përplasi një 17-vjeçar.
Adaleti i cili u aksidentua pranë shkollës së fshatit, humbi jetën.
Edhe në atë rast, sipas raportimeve mediatike, Skura ishte në gjendje të dehur.
Skandali me rimbursimn e barnave
Në vitin 2015, kur ishte pjesë e Partisë Socialiste dhe mbante postin e zëvendësdrejtorit të Fondit të Sigurimeve të Kujdesit Shëndetësor, Sokol Skura është akuzuar për korrupsion në skandalin e rimbursimit të barnave.
Emri i tij del në raportin e Departamentit të Antikorrupsionit të Këshillit të Ministrtave të asokohe, për vjedhjen e barnave me rimbursim, me një dëm prej 1.5 miliard lekësh ndaj shtetit.
Farmacitë e bashkëshortes dhe kunatës së Skurrës, sipas raportit, janë renditur ndër falsifikatorët e recetave fiktive.
Një hetim nisi nga prokuroria, por që u mbyll pa nxjerrë përgjegjësi penale për Skurën.
Militimi në PS
Sokol Skurra, nga Librazhdi, në vitin 2015 u kandidua në listën e deputetëve për Qarkun Elbasanit. Skurra, i fundit në listë, nuk arriti të merrte mandat deputeti.
Megjithatë, i përfolur në media asokohe si miku i Taulant Ballës, pas fitores së PS në zgjedhje, Skura u emërua nga ministri i Shëndetësisë së asokohe Ilir Beqaj si numri 2 i një prej institucioneve më të rëndësishme shëndetësore – Fondi i Sigurimeve të Kujdesit Shëndetësor.
Sipas raportimeve mediatike, Skura u dëbua nga PS dhe nga funskioni në FSDKSH pasi emri i tij u lakua në skandal.
