Genc Pollo, i cili u zgjodh deputet në zgjedhjet e kaluara në qarkun e Fierit, në 25 prill nuk do të jetë në garë.
Ish-deputeti i Partisë Demokratike, një ditë pas dorëzimit të listave në Komisionin Qendror të Zgjedhjeve, ka reaguar përmes një statusi në rrjetet sociale për të arsyetuar mungesën e emrit të tij mes kandidatëve për deputetë.
Pollo zbulon se ka pasur pakënaqësi me ato që ai në statusin e tij i quan “mundësitë e rrethanat e ofruara”.
Këto mundësi Pollo thekson se “nuk i gjykova të përshtatshme”, ndaj ai ka vendosur të mos kandidojë.
POSTIMI I PLOTE
Të dashur miq!
Unë vendosa të mos kandidoj për deputet në listat e Partisë Demokratike mbasi mundësitë e rrethanat e ofruara nuk i gjykova të përshtatshme.
Megjithatë unë uroj që PD e aleatë të realizojnë në 25 prill rotacionin politik që mbetet absolutisht i domosdoshëm. GP
