Mesisa Doda, kandidate për deputete e koalicionit të drejtuar nga PD, për zgjedhjet e 25 prillit, ka reaguar pas komentit të Edi Ramës për pjesëmarrjen e saj në listat për deputetë.
Doda shprehet se nuk do të marrë përsipër të lidh me zinxhirë Edi Ramën, pasi kjo është një punë që duhet ta bëjë ‘Ofelia ‘ që ka në shtëpi.
Më tej ajo zotohet që do të marrë përsipër çdo akt ligjor që të dërgojë prapa hekurave Ramën për dëmin e madh që i ka bërë Shqipërisë.
“Unë nuk marr përsipër të lidh ty me zinxhirë…është një punë që duhet ta bëjë Ofelia që ke në shtëpi, po marr përsipër të kryej çdo akt ligjor që ty të të dërgojë prapa hekurave për dëmin e madh që i ke bërë këtij vendi”, tha Doda.
Rama ironizoi përfshirjen e Dodës në listën e kandidatëve për deputetë, duke u shprehur se ajo është zotuar që të mv lidhë me zinxhirë.
