Një tjetër trup i pajetë është nxjerrë nga forcat zjarrëfikëse nga rrënajt e banesës private që u përfshi nga flakët gjatë natës në Berat.
Dyshimet janë se trupi i pajetë i përket Mateo Vangjelit, 36 vjeç. Më herët, policia njoftoi se u gjet një tjetër trup i pajetë që dyshohet se përket Jani Vangjelit, të atit të Mateo Vangjelit.
Fillimisht, dyshohet se se flkët ranë në banesën në lagjen “Muzaka”, ku jetonte Jani Vangjeli, i paralizuar dhe Mateo Vangjeli.
Flakët u përhapën dhe në dy banesa të tjera. Ndërkohë, banesa ku jetonin babë e bir është shembur pas rënies së flakëve.
Dyshohet se në banesën e tyre ishte dhe një person i tretë, shok me Mateo Vangjelin, por kjo nuk është konfirmuar ende nga burime zyrtare.
