Dyshohet për tre viktima nga zjarri që përfshiu tre banesa në lagjen “Muzakaj” në Berat, gjatë natës.
Deri më tani, rezultojnë të zhdukur dy persona, babë e bir të cilët jetonin aty, Jovan dhe Mateo Vangjeli. Dyshohet po ashtu se kur ra zjarri në banesë ishte dhe një shok i djalit.
Policia njoftoi se gjatë natës, në banesën e shtetasit Jovan Vangjeli, ka rënë zjarr, për pasojë zjarri është përhapur dhe në dy banesa të tjera ngjitur, të shtetasve R.S dhe P.N si dhe në katin e tretë të pallatit përballë në banesën e shtetasit M.H. Pas ndërhyrjes së shërbimeve zjarrfikës zjarri është vënë nën kontroll.
Grupi hetimor është në vendgjarje ku po bënë kqyrjen e vendit të ngjarjes, nëse ka jetë njerëzish të humbura dhe për të përcaktuar shkakun e rënies së zjarrit, shtuan të njëjtat burime.
Banorët e lagjes flasin për një zjarr të përmasave të mëdha, ndërsa banesa ku jetonin Jovan (i cili lëvizte me karocë) dhe Mateo Vangjeli është shembur. Forcat zjarrfikëse po kërkojnë nën gërmadha.
Lexo edhe:
Zjarri në Berat, nxirret një tjetër trup i pajetë nga rrënojat
DENONCO