U mbyll me dy barazime java e 24-t e Bundesligas. Me Milot Rashicën në fushë që nga minuta e parë Werder Bremen nuk shkoi më shumë se një barazim 1-1 përballë vendasve të Koln në një ndeshje që u vendos nga dy gola të realizuar në pjesën e dytë.
Në minutën e 66-të Sargent shfrytëzoi asistin e austriakut Romano Schmid duke zhbllokuar sfidën dhe duke kaluar në epërsi Werderin.
Por bardhëjeshilët nuk arritën të merrnin maksimumin në këtë sfidë pasi në minutën e 83-të ish-futbollisti i kombëtares gjermane Jonas Hector i cili mori vendin e shqiptarit Rexhbecaj realizoi golin e 1-1, duke i dhënë një pikë shumë të vlefshme Koln-it në garën për mbijetesë.
Tjetër barazim për Union Berlin që në transfertën e Schuco Arena ndaj Arminia Bielefeld nuk shkoi më shumë se një barazim pa gola në një ndeshje ku inciativën në pjesën më të madhe të kohës e kishin miqtë nga kryeqyteti.
