Sanremo 2021/ Kënga e Ermal Metës zgjidhet më e pëlqyera nga publiku (Video)

Këngëtari me origjinë shqiptare, Ermal Meta edhe këtë herë na ka bërë krenar. Ai u ngjit në skenën e Festivalit të Sanremo 2021 me këngën “Un milione di cose da dirti”, e cila është zgjedhur si kënga me tekstin më poetik të këtij edicioni.

Ndërkohë sipas klasifikimit të përgjithshëm të dy netëve të para, bazuar në votat e publikut, këngëtari kryeson listën me 26 artistë.

“I aftë të prekë telat e shpirtit dhe të kontaktit që Meta gjithmonë i ka treguar në diskografinë e tij me hir dhe elegancë, duke përkëdhelur me delikatesë ekstreme vorbullën e emocioneve njerëzore dhe dashuritë e papritura, të mbetura kushedi për sa kohë në pritje”, shkruan Vanity Fair Italia.