Pavarësisht vendimit të UEFA-s dhe qeverisë, apo edhe faktit se situata COVID vazhdon të jetë shqetësuese, nisur edhe nga shifrat e fundit alarmante, për tifozët e Burrelit, të gjitha këto nuk përbëjnë asnjë problem.
Pjesëmarrja e lartë e tifozëve në shkallët e stadiumit në sfidën e sotme ndaj Besëlidhjes, ku matjanët triumfuan me rezultatin 1-0, tregon dorëzimin e autoriteteve përballë menaxhimit të situatës.
Nga pamjet e pasqyruara në media, duket tribuna qendrore e stadiumit “Liri Ballabani” e tejmbushur me tifozë vendas.
Në këtë rast delegati dhe policia duhet të kishin kërkuar largimin e tifozëve, në zbatim të rregullores.
