Kandidati për kryeministër i Kosovës, Albin Kurti, njëherësh kreu i Lëvizjes Vetëvendosje sot është ndalur në qytetin e Gjirokastrës.
Mëngjesin e sotëm ai ishte në këtë qytet në mbështetje të kandidatit për deputet të Vetëvendosjes në këtë qark, Kreshnik Merxhani.
Albin Kurti vendosi kurora me lule në shtatoren e Çerçiz Topullit.
Kujtojmë se dje Kurti prezantoi kandidatin e Vetëvendosjes në Tiranë, Boiken Abazi, ndërsa theksoi se kjo lëvizje ka synim sigurimin e votave të shqiptarëve të pakënaqur.
