Mjekja pediatër Ilsa Mula Kraja, e ftuar në emisionin ‘Me Xhaxhiun’ në Fax News tha se mbi 96% e rasteve të tamponëve pozitiv tek fëmijët janë asimptomatik të cilët trajtohen në mënyrë simptomatike, por është shumë e rëndësihme që prindërit të mbajnë kontakt të vazhdueshëm me mjekun pediatër, pasi virusi është në një dinamikë të vazhdueshme.
Sipas mjekes pediatër, sa më i vogël të jetë në moshë fëmija ka më pak mundësi infektimi për njerëzit për rreth, por për fëmijët mbi 14 vjeç e sipër mundësia për të infektuar të tjerët është më e madhe.
“Temperatura, kolla dhe dhimbja e fytit këto janë simptomat më të zakonshme. Mbi 96% të rasteve të tamponëve pozitiv janë asimptomatik ose me forma të lehta që trajtohen në mënyrë komplet simptomatike duke filluar nga ulëset e temperaturës, antiiflamatorët që na bëjnë të ndjehemi më mirë.
Është shumë e rëndësishme për ne që në momenti që fillojmë të trajtojmë qoftë në mënyrë simptomatike një fëmijë të mbajmë gjatë gjithë kohës kontaktin me mjekun pediatër sepse duke qenë se është një virus në dinamikë të vazhdueshme në kontekste të ndryshme mund të shprehet dhe mund të evoluoi në mënyrë të ndryshme, kshuqë është shumë e rëndësishme që prindërit të kenë kontaktin e vazhdueshëm me mjekun pediatër.
Sa më i vogël të jetë fëmija në moshë aq më pak mundësi infektimi ka për njerëzit për rreth, sa më i madh të jetë në moshë, pra duke e kaluar moshën nga 14 dhe sipër bëhet gjithnjë e më tepër i mundur ky kontagjizitet.
Mbajtja e maskës është e detyruar për fëmijë mbi 10-12 vjeç, kurse kur bëhet fjalë për çerdhet dhe kopshtet, pra për fëmijë më të vegjël sigurisht nuk janë detyrim, gjithsesi masat dhe edukat që duhet të fillojë që në shtëpi me prindërit që duhet t’i mësojnë gjatë gjithë kohës fëmijët për distancimin, për larjen e shpeshtë të duarve dhe për mbajtjen e maskës duhet të jenë prezente edhe tek fëmijët”, shpreh Kraja.
