Anila Sevdari pediatre në qendrën shëndetësore 3 në Tiranë ka folur rreth situatës së pandemisë në vend dhe për numrin e fëmijëve të prekur nga Covid-19.
Ajo është shprehur se adoleshentët janë më të prekshëm nga Covid dhe kjo për shkak të neglizhencës.
Ndër të tjera mjekja ka treguar se vetëm në shkurt ka pasur një rritje të fëmijëve të infektuar nga virusi.
“Rastet nuk janë shumë, mund të kemi një ose dy në ditë. Ka dhe ditë që nuk kemi. Në shkurt kemi patur një rritje të lehtë, lidhet me shumë faktorë të tjerë pasi jo çdo patologji është Covid. Në rastet që janë konfirmuar kanë qenë moshat 12 deri në 18 vjeç” tha ajo për “oraneës”.
Mbi 7000 fëmijë janë infektuar me koronavirus që prej fillimit të pandmemisë, ndersa një foshnje 16 muajshe nuk mbijetoi.
