Ka qenë një aksident pa pasoja në jetë njerëzish fatmirësisht ai i ndodhur në Kukës.
Policia njofton se një makinë, në të cilin drejtuesi ishte i dehur, humbi kontrollin dhe u përplas me një kamion dhe një tjetër makinë.
Pas aksidentit, policia arrestoi në flagrancë shtetasin S. M., 31 vjeç, banues në fshatin Shkinak, Kukës.
Sipas bluve, “ky shtetas, duke drejtuar në gjendje të dehur mjetin tip “Mitsubish”, në aksin rrugor Kukës-Ura e Drinit Zi, në vendin e quajtur “Ramhas”, ka humbur kontrollin e mjetit dhe për pasojë është përplasur me një mjet tip kamion “Volvo” dhe një mjet tip “Ford”.
Si pasojë e aksidentit janë shkaktuar vetëm dëme materiale”.
Materialet i kaluan Prokurorisë së Rrethit Gjyqësor Kukës, për veprën penale “Drejtimi i automjeteve në mënyrë të parregullt”, njoftoi policia.
