Nënkryetari i Lëvizjes Socialiste për Integrim, Petrit Vasili, i ftuar në “Real Story”, në “News 24”, komentoi takimin e sotëm të kryeministrit Edi Rama në Bruksel, si dhe intervistën e presidentit Ilir Meta në “FrontLine”, në “News 24”.
Vasili tha se problemet më të mëdha në Shqipëri, janë shpopullimi, manipulimi i votës dhe demokracia e brishtë, elementë këto që i ceku dhe presidenti Meta.
Ai tha se në takimin e sotëm në Bruksel, kryeministri Rama nuk ka marrë asnjë dritë jeshile, pasi vendi ka disa problematika që sipas tij janë ende evidente.
“Presidenti vuri gishtin në një moment shumë delikat që është integriteti i zgjedhjeve. Ai tha që duhen zgjedhje të lira, të ndershme, pa shitblerje dhe pash një sinkron me atë që ndodhi në Bruksel. Ne nga atje dëgjuam që kjo çështje të kaloj në terren dhe të mos qëndroje në zyra. Pas 30 viteve, zgjedhjet normale, është një çështje se sa kritike është situata. Sepse mund të flisnin për gjithçka, por vënia në tavolinë e kësaj kryeçështje që ndan demokracitë e shëndosha, nga demokracitë e korruptuara, tregon që kjo është udhëkryqi i madh.
Në këtë pikëpamje çështja themelore është zgjedhjet që reflektojnë vullnetin e zgjedhjeve, e jo vullnetin e thasëve të miellit. Kemi parë dhe këto ditë para se të nisë fushata, një shkelje të ligjit. Mazhoranca përdor e përdor të gjitha shkeljet e ligjit. Shpërdorime banale që vijnë nga një krizë e madhe, asnjë mazhorancë që është korrekte nuk e shkel ligjin në mënyrë të dhunshme. Vënia në udhëkryq në zgjedhje nuk është menduar as në ’92. Përgjithësia është e tillë.
Në dy ditë pas zgjedhjeve që lamë pas në 2017-ën. Ju nuk keni si ta keni në sinkrone, i kam konsideruar si zgjedhjet më të shëmtuara. Ishin zgjedhjet më të shëmtuara, takimi që ka pasuar pas kohë më pas me komisionerin Han, i kam thënë që një nga arsyet kryesore të daljes në opozitë është se zgjedhjet e çojnë Shqipërinë në një qorrsokak të rrezikshëm. Kjo u vërtetua, se votat e shëmtuara. Në konferencën e sotme nuk kishte një datë për konferencën e parë. Kemi borxh që i ka kaluar 93%.
Ju e dini që FMN thotë që përfshini ata që duhet të jenë pjesë e borxhit dhe ka krijuar një shpopullim që është një anormalitet i jashtëzakonshëm. Në një moment kur kemi një Evropë tjetër dhe një Shqipëri që do të rilindte dolli një shpopullim i madh. Këto janë fakte kokëfortë, sepse kësaj analize nuk i dalim dot. Nuk e shohim realitetin në sy. Mitra që i polli është shpërdorimi, manipulimi dhe deformimi i votës”, tha Vasili.
