Koronavirusi/ Brataj: Për çfarë të mbyllemi? Shifrat e infektimeve janë në rënie

Kreu i Emergjencës Kombëtare Skënder Brataj, ka deklaruar në një intervistë në emisionin Shqip Show, se Shqipëria nuk ka nevojë të mbyllet pasi rastet e infektimeve me koronavirus janë në rënie.

Brataj theksoi se shifrat janë vërtetë alarmante por për dy tre javë më parë, ndërsa sot që flasim shifrat tregojnë se po ulen.

“Për çfarë të mbyllemi? Shifrat janë alarmante po janë të dy tre javëve më parë. Është një moment që secili duhet të marrë përgjegjësitë e veta. Shtrimet në spital janë indikatorët që na tregojnë se ku jemi. Numri i vizitave ka rënë. Në këtë moment thirrjet janë 1985. Ka pasur 453 vizita nga të cilat 194 vetëm për kovidin, ndërsa më parë vizitat shkonin deri në 500. Nga 194 vizita 63 janë shtruar në spital. Ka një indikator të rëndësishëm tani është numri R, transmetimi që në dhjetor ishte 1.14, 1.13 javët e fundit dhe sot është 0.96.”, u shpreh Brataj.

LEXO EDHE  Përplasja me armë në Elbasan/ Ardi Veliu nuk ka guxim t´i përmendë emrin PS

Ndërkohë kujtojmë që ka patur vërtetë një rënie të infektimeve nga koronavirusi ditët e fundit, por ka patur dhe një rënie shumë të ndjeshme të testimeve që bëhen.