Java e 22-të e Kategorisë Superiore do të luhet ditën e mërkurë kur do të luhen të gjitha ndeshjet. Në orën 13:00 janë planifikuar të luhen 3 ndeshje. Në “Selman Stermasi” bardheblutë sfidojnë Bylisin dhe synojnë të vazhdojnë serinë e fitoreve, pas triumfit të djeshëm ndaj Vllaznisë.
Në të njëjtën orë Partizani sfidon Apoloninë në Fier, me të kuqtë që kanë mundësi të mirë për t’u kthyer te fitorja, pas barazimit me Laçin. Ndeshja tjetër e orës 13:00 është ajo mes Skënderbeut dhe Kastriotit në Korçë.
Dy ndeshjet e tjera do të luhen në 16:00. Bie në sy beteja në “Niko Dovana” mes Teutës dhe Vllaznisë, dy skuadra, që luftojnë për titullin kampion. Ndërkohë edhe ndeshja tjetër e kësaj ore është mjaft e fortë, teksa Kukësi pret Laçin në “Elbasan Arena”.
E Mërkurë, 3 Mars 2021
Ora 13:00
Tirana-Bylis
Apolonia-Partizani
Skënderbeu-Kastrioti
Ora 16:00
Teuta-Vllaznia
Kukësi-Laçi
