Modelja shqiptare Emina Cunmulaj prej shumë vitesh është zhvendosur për të jetuar në SHBA, ku ka krijuar edhe familjen e saj. Megjithatë, ajo asnjëherë nuk e ka harruar origjinën e saj shqiptare dhe rikthehet herë pas herë në atdhe për të bërë bamirësi.
Së fundmi, modelja i ka ardhur në ndihmë një familje në nevojë duke i ndërtuar një shtëpi të re. Ajo ndau me ndjekësit në rrjetet sociale momentet kur takoi për herë të parë familjen që jetonte në çadër dhe çastin kur i dorëzohen çelësat e banesës së re.
Emina Cunmulaj u bëri thirrje ndjekësve që të bëjnë sa më shumë bamirësi për ta bërë botën një vend për të mirë dhe të sigurt për fëmijët.
“Fillim i ri! Zemra ime është plot kur shikoj se një tjetër familje do të jetojë në një vend të sigurt. Çdo fëmijë në botë meriton një shtëpi të sigurt dhe të rehatshme. Faleminderit që të ndihmuat që të bëj realitet ëndrrat e shumë familjeve në nevojë.
Ju lutem bashkohuni me mua për ta bërë këtë botë një vend më të mirë dhe më të sigurt për fëmijët, edhe nëse do të jetë një familje në një kohë”, – shkroi ajo.
View this post on Instagram
