Një aksident i rëndë është shënuar këtë mbrëmje në Sukth. Mësohet se në aksident janë përfshirë dy automjete, dhe për pasojë janë plagosur 4 persona.
Raportohet se i plagosur ka mbetur drejtuesi i njërit prej mjeteve, dhe 3 pasagjerët. Këta të fundit mësohet se janë 18, 16, dhe 15 vjeç.
Njoftimi i policisë
Më datë 27.02.2021, në orën 19:15, në Sukth, janë përfshirë në aksident rrugor mjeti tip “Renault” me drejtues shtetasin F. O., dhe mjeti tip “Benz”, me drejtues shtetasin Xh.B., rreth 55 vjeç.
Si pasojë e përplasjes janë lënduar drejtuesi i mjetit tip “Renault”, shtetasi F. O., dhe pasagjerët në mjet shtetasit E. B., 18 vjeç, B. M., 16 vjeç, dhe Z. B., 15 vjeç, të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të aksidentit.
