Pas gati pesë muajsh, një pyetje ende nuk ka gjetur përgjigje në futbollin italian. Kur do të luhet Juventus-Napoli, ndeshja e famshme e shtyrë e së dielës së 4 tetorit 2020? Por më në fund duket se është përjetuar data e këtij takimi.
Në ditët e fundit, një datë specifike është bërë gjithnjë e më popullore: e mërkura e 17 marsit. Një datë potencialisht e lirë në kalendarin e mbingarkuar të dy ekipeve. Një skenar që është bërë gjithnjë e më realist, pas eliminimit të Napolit nga Liga e Europës përballë Granadas.
Në javën nga 15 deri më 21 mars, të kaltrit e Gattusos do të jenë të lirë për këtë angazhim të prapambetur. Sa i përket Juventusit, nuk ka asnjë problem në këtë kuptim. Bardhezinjtë do të luajnë ndeshjen e dytë të raundit të Champions-it kundër Portos të mërkurën e 10 marsit dhe, në rast kualifikimi, çerekfinalet do të jenë në fillim dhe mesin e prillit.
Java 15-21 mars për skuadrën e Pirlos është e zbrazët. Pritet vetëm zyrtarizimi më 17 mars. Për Juventus janë jetike tri pikët, pasi vetëm kështu mund të mbetet në garë për kreun.
