Ndëshkohet me masë administrative 1.000.000 lekë, 1 subjekt në Fiershegan, Lushnjë pasi u konstatua në kundërshtim me Aktin Normativ duke organizuar ceremoni mortore.
Policia njoftoi se si rezultat i kontrolleve, në Fiershegan, Lushnjë është evidentuar dhe ndëshkuar me masë administrative 1.000.000 lekë subjekti me pronare shtetasen F.K., pasi në kundërshtim me Aktin Normativ, u konstatua duke organizuar ceremoni mortore.
Drejtoria Vendore e Policisë Fier, apelon për të gjithë pronarët dhe administratorët që të respektojnë me korrektësi masat anticovid duke bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital cilindo administrator apo pronarë lokali që nuk i respekton këto masa kufizuese duke u kthyer në burim rreziku për qytetarët.