Situata e koronavirusit duket se po del nga kontrollit, pasi vetëm dy ditët e fundit janë regjistruar 41 viktima.
Së fundmi, raportohet se dy vëllezër nga Mati kanë humbur jetën si pasojë e COVID-19 njëri pas tjetrit. Viktimat janë F. Domi, 60-vjeç dhe L. Domi 55-vjeç, nga Batra e Matit dhe ishin me banim në Durrës.
Njëri prej tyre ka ndërruar jetë dje dhe tjetri sot.
Në total, që nga fillimi i pandemisë, në vendin tonë janë regjistruar 1,756 viktima. Sipas të dhënave zyrtare, kemi 35,466 raste aktive me covid, ku Tirana mban shifrat më të larta.
Aktualisht në spitalet COVID në Tiranë dhe tre spitalet rajonale po trajtohen 625 pacientë, 46 në terapi intensive, nga të cilët 12 pacientë janë të intubuar. /Report tv
