Behar Sofia 66 vjeç është personi që ka mbetur i vrarë nga atentati mafioz në mes të Tiranës pranë zonës së Piramidës. Viktima ka qenë edhe në të kaluarën shënjestër e atentateve. 66-vjeçari Sofia ishte pronar i disa bizneseve, të cilat jo pak herë janë sulmuar me eksploziv.
Burime policore bëjnë me dije se po verifikohet e shkuara e viktimës dhe problemet që ka patur. Nuk përjashtohet as pista e konflikteve për prishje të pazareve të drogës, megjithatë për momentin këto mbeten në kuadrin e dyshimeve.
Behar Sofia është person me precedent penal në fushën e lëndëve narkotike sa i përket trafikut ndërkombëtar të drogës. Sipas informacioneve, në vitet 2012-2013 ka qenë i shpallur në kërkim edhe nga Policia Shqiptare.
Kjo është edhe një foto e viktimës Behar Sofia 66 vjeç që ndodhet i shtrirë në trotuar vetëm pak sekonda pasi u qëllua me armë, kur ishte ende i plagosur.
Grupi hetimor dyshon se Sofia u qëllua nga një makinë në lëvizje me armë me silenciator.
Lexo edhe:
Atentati me silenciator në Tiranë, lidhja e viktimës me bosin turk të drogës
