Vllaznia kryeson kampionatin shqiptar me 4 pikë diferencë me ndjekësit. Nëse shikojmë kalendarin, ky i fundit nuk tregohet dhe aq “bujar” me ta. Këtë javë, ekipi i Brdaric mat forcat me Tiranën në shtëpi.
Më pas, me 3 mars është në program transferta ndaj Teutës. Durrsakët janë një “kockë e fortë”, sidomos në Niko Dovana. Më pas, është e planifikuar sfida ndaj Kukësit. Verilindorët, pavarësisht sezonit me ulje-ngritje, kanë treguar se janë të rrezikshëm.
Do të jetë një provë e vërtetë, pasi janë përballje direkte. Vllaznia ka grumbulluar 41 pikë deri më tani, teksa ndiqet nga Partizani që ka 37 pikë. Ekipi shkodran ka vetëm një fitore në 5 ndeshjet e fundit. Kjo tregon se forma nuk është optimale, por do synohet ringritja që nga ndeshja e radhës. /Newsport.al
