Reperi Kanye West u përpoq të shiste disa prej stolive që ai kishte blerë për gruan e tij Kim Kardashian, vetëm disa ditë para se ajo të kërkonte divorcin. Thuhet se ai ka vizituar dy argjendarë për të marrë një çmim për artikujt që po mendonte të shiste.
‘Në dy javët e fundit, Kanye po përpiqej të shiste bizhuteritë që kishte blerë për Kim”- shkruan “The Sun”, ndërsa citon një burim.
“Kanye tha se nuk donte të ishte më i lidhur me markën Kardashian, por ai ishte i shkatërruar sepse ende e do shumë Kim”, citohet të ketë thënë më tej burimi.
Sipas tij, Kanye donte që ata të ishin sërish bashkë, por kjo nuk u pranua nga Kim, e cila i dha fund duke kërkuar divorcin.
Gjatë martesës së tyre, ai shpenzoi miliona dollarë, duke ‘ndërtuar’ koleksionin e stolive të Kim.
Kim bëri kërkesë për divorc nga Kanye të premten, pas gati shtatë vitesh martesë.
