Bayern Munchen fërkon duart, gjen një tjetër Alphonso Davies

Alphonso Davies është një nga lojtarët më të spikatur te Bayern Munchen, me kanadezin që i ka mahnitur të gjithë me aftësitë e tij, sidomos në sezonin që lamë pas, ku ishte edhe pjesë e rëndësishme e ekipit që fitoi gjithçka.

Davies u mor disa vite më parë nga MLS, kampionati amerikan, ku luante për Vancouver Whitecaps. Me shpresën që do të gjejë një tjetër Alphonso Davies në SHBA, Bayern Munchen ka hedhur sytë te një tjetër talent që luan në MLS, për ekipin e Torontos.

LEXO EDHE  Florentino Perez: Superliga shpëton futbollin, UEFA po e shkatërron atë

Bëhet fjalë për Jahkeele Marshall-Rutty, i cili luan si anësor i djathtë. Marshall-Rutty është vetëm 16 vjeç dhe shihet si një talent që premton shumë dhe shpesh është krahasuar me Alphonso Davies.

Sipas mediave, Bayern ka nisur kontaktet e para me Toronton dhe po përpiqet të bindë talentin që të firmosë për gjermanët.