Reperi me famë botërore, Jay-Z, njihet edhe si një biznesmen mjaft i suksesshëm në biznesin e shampanjës.
Bashkëshorti i Beyonce, në vitin 2006 u bashkua me markën e famshme, Armand de Brignac. Ndërkohë në vitin 2014, ai vendosi që ta merrte plotësisht atë. Por tani mediat e huaja shkruajnë se 51-vjeçari ka shitur 50 për qind të aksioneve të tij në kompaninë e tij të shampanjës.
Deri tani reperi i famshëm nuk ka dhënë asnjë detaj përsa i përket çmimit të këtyre aksioneve. Duket se një veprim i tillë nga ana e Jay-Z erdhi pas një viti të vështirë për biznesin e shampanjës.
Duke qenë se pati anulime të festimeve dhe kufizime të shumta për shkak të përhapjes së shpejtë të pandemisë së Covid-19, atëherë edhe shitjet ranë. Sipas mediave të huaja, dërgesat e shampanjës ranë 18% në 2020 krahasuar me 2019, ku ai kishte shitur gjysmë milioni shishe për rreth 270 franga.
Gjithashtu kujtomë se Jay-Z, përveç markës së shampanjës, zotëron një kompani të prodhimit të muzikës, një linjë mode, si dhe restorante të ndryshme.
